आईपीएल : लखनउ र दिल्ली खेल्दै

एजेन्सी । इन्डियन प्रिमियर लिग (आईपीएल)मा आज (चैत १८) लखनउ सुपर जायन्ट्स र दिल्ली क्यापिटल्स प्रतिस्पर्धा गर्दै छन् । खेलमा दुवै टोली जित निकाल्दै प्रतियोगिताको सुखद सुरुआत गर्ने लक्ष्यमा छन् । 

गत वर्ष आईपीएलमा लखनउले सातौँ स्थानमा रही प्रतियोगिता टुंग्गाएको थियो । १४ खेल खेल्दा लखनउले ६ जित र आठ हारसहित १२ अंक जोडेको थियो 

दिल्ली क्यापिट्लसले भने पाँचौँ स्थानमा रही प्रतियोगिता टुंग्गाएको थियो । समान १४ खेल खेलेको डेल्हीले सात जित र ६ हारसहित १५ अंक जोडेको थियो । 

यी दुईबीचको खेल भारतको रत्न श्रीअटल विहारी भाज्पाये क्रिकेट रंगशालामा नेपाली समयअनुसार बेलुका ७:४५ बजे हुनेछ । यी दुवैले आईपीएलमा हालसम्म उपाधि जितेको छैन । सन् २०२० मा सम्पन्न आईपीएलमा उपविजेता बन्नुनै दिल्लीले प्रतियोगितामा हालसम्म प्राप्त गरेको सुखद नतिजा हो । 

यता, लखनउले सन् २०२२ र सन् २०२३ मा सम्पन्न आईपीएलमा प्लेअफसम्मको यात्रा तय गरेको थियो । टोलीले हालसम्म प्रतियोगितामा आत्मसाथ गरेको सुखद नतिजा यही नै हो ।