रवि लामिछानेलाई प्रभु साहले पनि भेटे

काठमाडौं । रास्वपाका सभापति रवि लामिछानेलाई आम जनता पार्टीका अध्यक्ष प्रभु साहले पनि भेटेका छन्। सभापति लामिछानेको निवास बुढानीलकण्ठ पुगेर अध्यक्ष साहले आज बिहान भेट गरेका हुन्।

भेटमा पछिल्लो विकसित राजनीतिक घटनाक्रमबारे छलफल भएको जनाइएको छ। देश र अझ विशेषगरी मधेसले परिवर्तन चाहेको जनमतबाट स्पष्ट देखिएकाले यसलाई आत्मसात् गरि पारस्परिक सहयोगमार्फत अघि बढ्ने विषयमा छलफल केन्द्रित भएको जनाइएको छ।

रास्वपा नेतृत्वको सरकार बनेपछि सभापति लामिछाने भेट्न मधेश केन्द्रित दलका नेताहरू पुगिरहेका छन्।

आजै राष्ट्रिय सभा सदस्य महन्थ ठाकुरले पनि लामिछानेलाई भेटेका थिए।