प्रधानमन्त्रीलाई प्रभु साहको प्रश्न- ‘सरकारको आयु सकिने बेला आयोगको म्याद किन लम्बिएयो ?’

काठमाडौँ। आम जनता पार्टी (आजपा)का अध्यक्ष तथा पूर्वमन्त्री प्रभु साहले सरकारले म्याद थपको औचित्य पुष्टि गर्नुपर्ने बताएका छन् । 

बुधबार वीरगंजको छपकैयामा आयोजित चुनावी कार्यक्रमलाई सम्बोधन गर्दै जेन जेड आन्दोलनका क्रममा भएका भौतिक एवं मानवीय क्षतिको यथार्थ छानबिन गर्न गठित जाँचबुझ आयोगको म्याद थपिएकोमा प्रश्न उठाएका छन् ।  

‘तपाईंको नेतृत्वको सरकारको आयु नै सकिने बेला भइसक्यो, तर आयोगको म्याद चाहिँ लम्बिएको लम्बिएछ, किन ? उनले प्रधानमन्त्री कार्कीलाई प्रश्न गरे । 

गत भदौ २३ र २४ गते जेन जेड आन्दोलन भएको थियो । २३ गते १९ जनाको मृत्यु भएको थियो भने २४ गते समेत गरेर ७६ जनाको मृत्यु भएको थियो । आन्दोलनका क्रममा सार्वजनिक र नीति सम्पत्तिमा समेत तोडफोड र आगजनी भएका थिए ।

आन्दोलनपछि बनेको पूर्व प्रधानन्यायाधीश सुशीला कार्की नेतृत्वको अन्तरिम सरकारले पूर्वन्यायाधीश गौरीबहादुर कार्कीको अध्यक्षतामा तीन सदस्यीय आयोग गठन भएको थियो । सुरुमा आयोगलाई तीन महिनाको समय दिइएको थियो ।

काम नसकाएपछि आयोगको म्याद थपिँदै आएको छ ।