निर्वाचन सहज ढंगबाट सम्पन्न हुन्छः प्रधानमन्त्री

काठमाडौं। अन्तरिम सरकारका प्रधानमन्त्री सुशीला कार्कीले आसन्न प्रतिनिधि सभा सदस्य निर्वाचन सहज ढंगबाट सम्पन्न हुने दाबी गर्नुभएको छ । 

राष्ट्रिय सभाको बैठकलाई सोमवार पहिलो पटक सम्बोधन गरेर बाहिरिने क्रममा प्रधानमन्त्री कार्कीले यस्तो दाबी गर्नुभएको हो । उहाँले निर्वाचनको लागि आफूहरुले सरकारको तर्फबाट तयारी गरिरहेको र बाँकी जनताले मूल्यांकन गर्ने कुरा भएको बताउनु भयो । उहाँले सहज ढंगबाट निष्पक्ष, स्वतन्त्र र भयरहित निर्वाचन हुने बताउनु भयो । 

उहाँले भन्नुभयो, ‘संसदको पहिलो सम्बोधन मीठो भयो । हामी त निर्वाचनको लागि तयारी गरिरहेका छौँ । तपाईंहरुले मूल्यांकन गर्ने हो । सहज ढंगबाट निर्वाचन हुन्छ ।’

प्रधानमन्त्री कार्कीले संसदको पहिलो सम्बोधन मीठो भएको प्रतिक्रिया दिनुभयो ।