एमाले कार्यदलको बैठक बस्दै

काठमाडौँ । नेकपा एमालेको निर्वाचन समीक्षा तथा पार्टी पुनर्गठन कार्यदलको बैठक पार्टी केन्द्रीय कार्यालय च्यासलमा बिहीबार ११ बजे बस्दैछ ।

प्रचार विभागका प्रमुख नीरज आचार्यका अनुसार कार्यदलका संयोजक तथा पार्टी उपाध्यक्ष रामबहादुर थापा (बादल)को अध्यक्षतामा बैठक बस्ने भएको हो ।

यसअघि निर्वाचन समीक्षा तथा पार्टी पुनर्गठनसम्बन्धी सुझाव संकलनका लागि केन्द्रदेखि प्रदेश र जिल्लासम्मका पार्टी पंक्तिको विभिन्न भेला आयोजना गरिएको थियो ।

प्रचार प्रमुख आचार्यका अनुसार आज बस्ने बैठकले ती भेलाबाट प्राप्त सुझावका निष्कर्षमाथि छलफल हुनेछ । कार्यदलको निष्कर्षका आधारमा प्रतिवेदन लेख्ने र सो प्रतिवेदन सचिवालय बैठकमा पेश गरिने भएको छ ।