पोष्टरमै केपी ओलीलाई इश्वर पोखरेलको काउन्टर

काठमाडौं । नेकपा एमालेको नयाँ नेतृत्व् हत्याउन नेताहरुका बीचमा रस्साकस्सी शुरु भएको छ । देशभरबाट केन्द्रीय महाधिवेशन प्रतिनिधि करिव चयन भएसँगै एमालेमा अब नयाँ नेतृत्वको रस्साकस्सी शुरु भएको हो । 

मंसिर २७ देखि २९ सम्म काठमाडौंमा चल्ने एमालेको ११ औं महाधिवेशनबाट नेतृत्व लिनका लागि फेरि पनि अध्यक्ष केपी ओली र उनलाई काउन्टर दिन वरिष्ठ उपाध्यक्ष रहेका इश्वर पोखरेल लागेका छन् । 

ओली पक्षधरले देशको अस्तित्व जोगाउन एमालेमा ओलीको नेतृत्व आवश्यक रहेको प्रचारवाजी गरेपछि त्यसको काउन्टरमा पोखरेल पक्षले पनि ओलीबाट अब देशको अस्तित्व नजोगिने खालको प्रचारबाजी शुरु गरेका छन् । ओलीलाई ब्यांग्य गर्ने शैलीमा ओलीकै चुनावी प्रचार नारालाई पोखरेल पक्षले काउन्टर नारा बनाएको छ । 

ओली तेस्रो कार्यकालका लागि प्रतिस्पर्धामा उत्रदैछन् भने पोखरेल पहिलो पटक अध्यक्षमा भिड्न लागेका हुन् । जेनजी विद्रोहपछि गत भदौं २४ गते प्रधानमन्त्रीको कुर्सीमा रहेका ओलीले बालुवाटारबाटै राजीनामा दिएर सेनाको हेलिकप्टरमा भागेका थिए ।

त्यसपछि करिव एक साता उनी मकवानपुरको सुपारीटारको सेनाको ब्यारेकमा सुरक्षित बसेर फर्केका थिए । त्यसपछि उनी भक्तपुरको गुन्डुमा नेता महेश बस्नेतको संरक्षण र सुरक्षा घेराभित्र बसिरहेका छन् । भदौं २३ को जेनजी विद्रोहमा कलिला बालबालिकामाथी नरसंहार मच्चिदा ओली प्रधानमन्त्री थिए ।

त्यसपछि ओलीले नेतृत्व छोड्नुपर्ने मत बढेपनि एमालेभित्र भने ओली अझै नेतृत्व् नछोडने गरी अगाडी बढिरहेका छन् । उनलाई एमाले पंक्तिले अझै एमालेमा उनको विकल्प नभएको बताईरहेका छन् । जेनजी विद्रोह अगाडी नै पनि ओलीले नेतृत्व नछोडने गरी आफुसँग प्रतिस्पर्धामा आउन खोजेकी पूर्व राष्टपति विधादेवी भण्डारीको सदस्यता नविकरण रोक्ने निर्णय लिएका थिए । 

त्यसपछि भण्डारीको साथ र समर्थनमा इश्वर पोखरेल ओलीसँग चुनावी प्रतिस्पर्धा गर्न मैदानमा आउन लागेका हुन् । ओली पक्षधर नेताहरुले खासगरी प्रचार वार गर्न प्रेस चौतारी निकट नेताहरु परिचालन गरेर देशभरका महाधिवेशन प्रतिनिधि, चर्चित अनुहार सवैमा ओलीको फोटो सहितको पोष्टर बनाएर प्रचार अभियान तीव्र बनाएका छन् ।

ओलीको पक्षमा खुलिरहेका नेता–कार्यकर्ताले ‘जोगाउन देशको अस्तित्व, केपी ओलीको नेतृत्व’ नारासहितको पोस्टर बनाएर प्रचार थालेका छन् । तर ओलीबाट अब पनि एमाले अगाडी बढ्ने हो भने ओली मात्रै होइन, एमाले समेत उठ्नै नसक्ने भूमरीमा फस्ने एमालेकै कतिपय नेता कार्यकर्तालाई लागेको छ ।

उनीहरु ओलीको विकल्पमा अहिले वरिष्ठ उपाध्यक्ष इश्वर पोखरेललाई अगाडी सारिरहेका छन् । ओली पक्षधरले देशको अस्तित्व जोगाउन एमालेमा ओलीको नेतृत्व आवश्यक रहेको प्रचारवाजी गरेपछि त्यसको काउन्टरमा पोखरेल पक्षले पनि ओलीबाट अब देशको अस्तित्व नजोगिने खालको प्रचारबाजी शुरु गरेका छन् ।

ओलीलाई ब्यांग्य गर्ने शैलीमा ओलीकै चुनावी प्रचार नारालाई पोखरेल पक्षले काउन्टर नारा बनाएको छ । पोखरेल पक्षधरले भने आवेग, प्रतिशोध र अहंकारले बच्दैन देश र पार्टीको अस्तित्व, विवेक, सहकार्य र सामूहिकताका लागि ईश्वर पोखरेलको नेतृत्व’को नारा सहित प्रचार थालेका छन् ।