एमालेले राष्ट्रिय सभातर्फ मात्र दल दर्ताको निवेदन दियो

काठमाडौ । नेकपा (एमाले) ले राष्ट्रिय सभा सदस्य निर्वाचन प्रयोजनका लागि निर्वाचन आयोगमा दल दर्ताको निवेदन दिएको छ ।

सो दलले प्रतिनिधि सभा सदस्य निर्वाचन प्रयोजनका लागि दल दर्ता भने गराएको छैन । 

आयोगको कानुन तथा राजनीतिक दल व्यवस्थापन महाशाखाका अनुसार नेकपा (एमाले) र राष्ट्रिय जनमोर्चाले राष्ट्रिय सभा सदस्य निर्वाचन प्रयोजनका लागि दल दर्ता गराएका हुन् ।

राष्ट्रिय सभा सदस्यको निर्वाचन आगामी माघ ११ गते हुने छ । नेकपा (एमाले) ले अहिलेकै परिस्थितिमा प्रतिनिधि सभा सदस्य निर्वाचनमा भाग नलिने दाबी गर्दै आएको छ । गोरखापत्रमा खबर छ ।