दिल्लीको हावाको गुणस्तर ‘धेरै खराब’ श्रेणीमा, एक्यूआई ६०० नाघ्यो

नयाँ दिल्ली । भारतको राजधानी दिल्लीमा आइतबार वायुको गुणस्तर ‘धेरै खराब’ श्रेणीमा पुगेको छ। बिहान ९:४५ बजे दिल्लीको औसत वायु गुणस्तर सूचकाङ्क (एक्यूआई) ६२१ रेकर्ड गरिएको छ। 

सहरका धेरै क्षेत्रहरूमा प्रदूषणको स्तर अत्यन्त चिन्ताजनक छ । केन्द्रीय प्रदूषण नियन्त्रण बोर्डका अनुसार, बिहान ७ बजे नै आनन्द विहारमा एक्यूआई ४१२, अलिपुरमा ४१५ र बवानामा सबैभन्दा उच्च ४३६ रेकर्ड गरिएको थियो।

यसैगरी, चाँदनी चौकमा एक्यूआई ४०९ थियो, जबकि आरके पुरम र पटपडगन्जमा यो क्रमशः ४२२ र ४२५ रेकर्ड भएको थियो। बढ्दो प्रदूषणले गर्दा स्वास्थ्यसम्बन्धी जोखिम बढेको भन्दै विज्ञहरूले मानिसहरूलाई सकेसम्म घरभित्रै बस्न र आवश्यक भएमा मास्क प्रयोग गर्न सुझाव दिएका छन्।

आईक्यू एयरका अनुसार पाकिस्तानको लाहोरमा एक्यूआई ३५८ पुगेको छ भने कुवेतको कुवेत सिटीको वायु गुणस्तर सूचकाङ्क २६९ छ । काठमाडौँ ११५ एक्यूआईसहित सबैभन्दा प्रदूषित सहरहरूको सूचीमा १२ औँ स्थानमा छ ।