काँग्रेसमा विशेष महाधिवेशनको पक्षमा दुई हजार चार सय ३९ जनाको हस्ताक्षर

काठमाडौँ। नेपाली काँग्रेसमा विशेष महाधिवेशनको पक्षमा सोमबार साँझसम्म दुई हजार चार सय ३९ जनाले हस्ताक्षर गरेका छन्।

१४ औँ महाधिवेशनमा रहेका चार हजार सात सय ४३ प्रतिनिधिमध्ये बहुमतले विशेष महाधिवेशनको पक्षमा हस्ताक्षर गरेका हुन्। विशेष महाधिवेशनका लागि हस्ताक्षरको अगुवाइ गरिरहेका एक केन्द्रीय सदस्यले ५१ प्रतिशत बढीले हस्ताक्षर गरिसकेको दाबी गरेका छन्।

ती नेताका अनुसार २४ सय ३९ जनाले हस्ताक्षर गरिसकेका छन् । विदेशस्थित जनसम्पर्क समिति र जिल्लाहरूबाट हस्ताक्षर थपिएको छ। उनका अनुसार ५५ प्रतिशत बढीले हस्ताक्षर गर्ने देखिएको छ ।