भरतपुरका मेयर रेनु दाहालको दृष्टिकोण : ‘बोल्ने होइन, देखिने विकास’ (पूर्णपाठसहित)

भरतपुर । भरतपुर महानगरपालिकाका मेयर रेनु दाहालले समृद्द भरतपुरको दीर्घकालिन योजनासहितको नीति तथा कार्यक्रम नगरसभामा प्रस्तुत गरेकी छिन् । नगर प्रमुखको दोस्रो कार्यकाल सम्हाल्दै गरेकी उनले आफुले भरतपुर महानगरपालिकाको मेयर भएदेखि गरेका कतिपय विकास योजनालाई निरन्तरता दिएकी छिन् भने कतिपय नयाँ योजनाहरुलाइृ समेटदै मध्य नेपालको सुन्दर सहर, समृद्ध र सुसंस्कृत भरतपुर महानगरपालिकाको दीर्घकालीन योजना अगाडी सारेकी हुन् ।

नगरसभामा आथिर्क वर्ष २०८२/०८३ को नीति तथा कार्यक्रम आज (आइतबार) घोषणा गदै उनले  भरतपुरलाई समावेशी, सुसंस्कृत, समृद्ध र आत्मनिर्भर बनाउने दिशामा योजनाबद्ध तरिकाले अघि बढ्नुपर्ने बताएकी हुन् । यसको अर्थ उनले महानगरपालिाकाको विकासका लागि बोल्ने भन्दा काम देखिने विकास भरतपुरको चिनारी भएको सन्देश दिन खोजेकी छिन् ।

पूर्वाधार विकासमा स्मार्ट सडक, ढलसहित कालोपत्रे, हरियाली पार्क, सामाजिक रूपान्तरणको क्षेत्रमा  शिक्षा, स्वास्थ्य, महिला र बाल सशक्तीकरण तथा आर्थिक आत्मनिर्भरताको क्षेत्रमा कृषि अनुदान, स्वरोजगार, डिजिटल शासनजस्ता विषयलाइृ नीति कार्यक्रममा प्राथमिकतामा राखेी नगरप्रमुख दाहालले नीति तथा कार्यक्रम सन्तुलित, समावेशी र व्यवहारमा लागू हुने गरी दीर्घकालिन सोचका साथ ल्याएको देखिएको छ । भरतपुर महानगरपालिकाको भौतिक स्वरूपसँगै सामाजिक र संस्थागत रूपान्तरणलाई पनि समान महत्व दिनेगरी दाहालले नीति कार्यक्रम प्रस्तुत गरेकी छिन् ।

‘हामी सूचना प्रविधिको उच्चतम प्रयोग र सबै क्षेत्रमा समयानुकूल नवप्रवर्तन अवलम्बन गर्दै आर्थिक, सामाजिक, सांस्कृतिक रूपान्तरणको माध्यमद्वारा आधुनिक भरतपुर, समृद्ध भरतपुरको आकांक्षा साकार गर्न प्रतिबद्धताका साथ क्रियाशील छौं । हामीसँग उपलब्ध स्रोतको न्यायोचित वितरण र दक्षतापूर्ण उपयोग गर्दै नागरिक‌लाई परिवर्तनको अनुभूति हुने गरी हामीले धेरै रूपान्तरणकारी योजनाहरू कार्यान्वयनमा  ल्याएका छौं, ल्याउँदैछौं ।’

नगरप्रमुख मेयरको यो भनाइले बोल्ने भन्दा काम देखिने गरी गर्ने र भरतपुरलाइृ आधुनिक र समृद्द बनाउने योजनाभित्र समेटने कोसिस गरिएको छ । ‘शहर परिवर्तनको मूल आधार बलियो पूर्वाधार भएकोमा जोड दिँदै मेयर दाहालले भरतपुरलाई स्वच्छ, सुरक्षित र आधुनिक शहर बनाउने लक्ष्यमा अडिग रहेको प्रतिवद्दता जनाएकी छिन् ।

हेर्नुहोस् मेयर दाहालले नगरसभामा प्रस्तुत गरेकी नीति तथा कार्यक्रमको पूर्ण पाठ :-