इरानको मिसाइल रोक्नमात्रै इजरायलको दैनिक ३९ अर्ब खर्च !

एजेन्सी । इरान र इजरायलबिच लडाइँका क्रममा  इरानकाे मिसाइल आक्रमण राेक्न इजरायलको दैनिक अर्बौं रुपैयाँ खर्च भइरहेको र त्यसलाई निरन्तरता दिन इजरायललाई गार्‍हो हुने रिपोर्टहरु आएका छन् ।

इजरायलको मिसाइल प्रतिरक्षा प्रणालीले यसको स्रोतहरूमा अत्यधिक दबाब परेको वाशिङ्टन पाेस्टमा रिपोर्ट प्रकाशित भएकाे छ ।

साे रिपोर्ट अनुसार   इजरायलको मिसाइल प्रतिरक्षा प्रणालीकाे अनुमानित खर्च प्रतिदिन झण्डै २८५ मिलियन अमेरिकी डलर पर्छ । जुन नेपाली रुपैयाँ अनुसार दैनिक ३९ अर्ब पर्न जान्छ । 

वाशिङ्टनपाेस्टका अनुसार  विज्ञहरूले चेतावनी दिएका छन् कि यदि अमेरिका बाट पुनआपूर्ति नभएमा इजरायलसँग रहेका यो प्रणाली १० देखि १२ दिनभन्दा बढी टिक्न सक्दैन ।  इजरायलसँग भएको प्रतिरक्षा प्रणाली १०/१२ दिनमै सकिनेछ । 

याे रिपोर्टले इजरायललाई दवावमा पारेकाे छ । सो बाहेक आक्रमणमा हुने खर्च र इरानकाे आक्रमणबाट हुने मानविय र भाैतिक क्षति उल्लेखनिय छ ।