पार्टीभित्रै एक्लिदै ओली !

काठमाडौं । एमालेभित्र केपी ओली एकल ब्राण्ड थिए । झण्डै झण्डै नेकपाका संस्थापक महासचिव पुष्पलाल श्रेष्ठ, जनननेता मदन भण्डारी र पूर्वअध्यक्ष मनमोहन अधिकारीकै तहमा केपी ओलीले एमालेभित्र आफनो एकल ब्राण्डिङ गराएका थिए ।

माधव नेपाल, झलनाथ खनाल, वामदेव गौतमहरु एमालेबाट बाहिरिएपछि एमालेमा ओलीले जे बोल्यो, त्यही एमालेको निर्णय हुने परम्परा चलेको पनि केही वर्ष नै भईसक्यो । ओलीका अगाडी बोल्नु भनेको पार्टीभित्र आफु सिद्दिनु हो भन्ने भाष्य नै निर्माण भईसकेको थियो । तर क्रमशः ओलीको त्यो ब्राण्ड खस्किन थालेको छ ।

बरिष्ठ नेता इश्वर पोखरेल, उपाध्यक्षहरु रामबहादुर थापा, विष्णुप्रसाद पौडेल, गुरुप्रसाद बराल उपमहासचिव प्रदीप ज्ञवालीलगायतका नेताहरु नै बीचधारमा उभिन थालेका छन् । जसकाकारण ओली पार्टीभित्रै एक्लो बृहस्पति बनेका छन् । उपाध्यक्षहरु अष्टलक्ष्मी शाक्य, युवराज ज्ञवाली, सुरेन्द्रप्रसाद पाण्डे, उपमहासचिव पृथ्वीसुब्बा गुरुङ सचिवहरु लेखराज भटट, गोकर्ण भटट, योगेश भटटराई, छविलाल विश्वकर्मा, रघुविर महासेठ र पद्माकुमारी अर्याल पनि ओलीसँग छैनन । यी नेताहरुको अहिले पूर्व राष्ट्रपति विद्या भण्डारीसँग हिमचिम बढ्दो छ ।

आफुलाई चित्त नबुझे जे पनि गर्न सक्ने ओलीलाई आइतबार एमाले सचिवालय बैठकमा मुखै फोरेर उपाध्यक्ष अष्टलक्ष्मी शाक्यले हाँक दिइन् । ‘अध्यक्ष ज्यू मलाई स्पष्टिकरण कहिले आउँछ ? विद्या भट्टराईलाई शिक्षामन्त्रीबाट हटाउँदा ठिक गर्नुभएन । मेरो प्रश्न आज पनि त्यही छ । ल मैले विद्या भट्टराई योग्य नेतृ भन्ने लागेर स्टाट्स लेखे । तर तपाईंले मलाई लक्षित गदै स्पष्टिकरण सोधिन्छ भन्दै बोल्दै हिड्नु भएछ । कहिले सोध्नुहुन्छ ?’ शाक्यले आइतबार एमाले सचिवालय बैठकमा ओलीमाथी प्रश्न गरिन् ।

हुन त शाक्य पहिले पनि ओलीलाई प्रश्न गर्न सक्ने नेतृमा पर्थिन । तर उनले माधव नेपाल छोडेर एमालेमै रहेपछि भने ओलीमाथी प्रश्न गर्न सकेकी थिइनन् । ओलीभित्रै करिव विलिन भएकी शाक्य आइतबार भने ओलीमाथी सवालजवाफमै उत्रेकी थिइन् ।

मैले स्टाट्स लेखे त । विद्या भट्टराईले राम्रै गरिरहेकी लागेर लेखे । क्षमतावान नै लागेर लेखे तर तपाई (ओली)ले पनि आफ्नै कमिटीका नेता बारेमा बाहिर–बाहिर स्पष्टीकरण सोधिन्छ भन्दै बोल्दै किन हिँड्नु भएको रु,’ शाक्यले ओलीलाई प्रश्न गरिन् ।

आइतबार झण्डै बोलाइएको भन्दा दुई घण्टा पछि बैठक शुरु गरेका ओलीले विद्या भट्टराईको प्रसंगमा पनि आफुमाथी भित्र बाहिर आक्रमण भएको प्रश्न उठाएपछि शाक्यले ओलीसङ्ग सवालजवाफ फर्काएकी थिइन् ।

ओलीले अहिले पार्टीभित्र पटक पटक आफनो बचाउमा उत्रन नेताहरुलाई आग्रह गरिरहेका छन् । तर ओलीलाई साथ दिन्छौं भनेर जवाफ दिने नेता अहिले एमालेमा देखिन छोडेका छन् । पूर्व राष्टपति विद्या भण्डारी समेत अबको एमालेको नेतृत्वमा आउने चर्चा चलिरहेका बेला ओलीलाई मज्जैले साथ दिने नेता एमालेको पदाधिकारी (सचिवालयमै) खडेरी पर्न थालेका छन् । हिजो ओलीलाई काँध थापेका नेताहरु पनि अहिले बीचधारमा बस्न थालेका छन् । जसकाकारण पार्टीभित्रै ओली एक्लिन थालेको एमाले नेताहरुका बीचमा चर्चा छ ।

एमाले सचिवालय (पदाधिकारी) मा  १९ जना नेता छन् । जसमध्ये १ जना निलम्बनमा छन् । १८ जना सचिवालय सदस्यमध्ये केपी ओलीको बचाउमा महासचिव शंकर पोखरेल र विष्णु रिमालमात्रै छन् । रिमाल ओलीको प्रमुख राजनीतिक सल्लाहकार छन् । त्यसबाहेकका अन्य नेताहरु नबोलेपनि केही विपक्षी कित्तामा छन् त केही वीचधारमा बस्न थालेका छन् ।

बरिष्ठ नेता इश्वर पोखरेल, उपाध्यक्षहरु रामबहादुर थापा, विष्णुप्रसाद पौडेल, गुरुप्रसाद बराल उपमहासचिव प्रदीप ज्ञवालीलगायतका नेताहरु नै बीचधारमा उभिन थालेका छन् । जसकाकारण ओली पार्टीभित्रै एक्लो बृहस्पति बनेका छन् ।

उपाध्यक्षहरु अष्टलक्ष्मी शाक्य, युवराज ज्ञवाली, सुरेन्द्रप्रसाद पाण्डे, उपमहासचिव पृथ्वीसुब्बा गुरुङ सचिवहरु लेखराज भटट, गोकर्ण भटट, योगेश भटटराई, छविलाल विश्वकर्मा, रघुविर महासेठ र पद्माकुमारी अर्याल पनि ओलीसँग छैनन । यी नेताहरुको अहिले पूर्व राष्ट्रपति विद्या भण्डारीसँग हिमचिम बढ्दो छ ।