काडमाडौं । सवारी चालक अनुमतिपत्र (लाइसेन्स)को आवेदन मंसिर ७ गतेबाट खुल्ने भएको छ ।
यातायात व्यवस्था विभागले बुधबार एक सूचना जारी गरी झण्डै एक महिनादेखि बन्द रहेको लाइसेन्सको आवेदन ७ मंसिरदेखि विहान १० बजेबाट खुल्ने जानकारी दिएको हो ।
उल्लेखित मितिबाट आवदेकले विभागको वेबसाइटमा गएर अनलाइन सवारी चालक अनुमतिपत्र क्लीक गरी अनलाइन फारम भर्न सक्नेछन् । हाल हजारौं सेवाग्राही लाइसेन्सको आवेदन दिन प्रतीक्षारत छन् । छपाइको काम सुस्त हुँदा ट्रायल पास गरेकाले पनि लाइसेन्स पाउन सकेका छैनन् ।
विभागले देशभर नै अनलाइन फारम अनिवार्य गरेको छ । काठमाडौंमा रहेका चार वटासहित अहिले प्रत्येक अञ्चलमा एक-एक वटा लाइसेन्स वितरण गर्ने कार्यालय छन् ।
प्रतिक्रिया दिनुहोस
सफल खबर संवाददाता
बुधबार, २८ कार्तिक २०७५, १९ : १०
लेखकबाट थप