रुससँग भन्दा युक्रेनसँग व्यवहार गर्न 'बढी गाह्रो': ट्रम्प

एजेन्सी । अमेरिकी राष्ट्रपति डोनाल्ड ट्रम्पले शान्ति सम्झौताका सन्दर्भमा रुससँग भन्दा युक्रेनसँग व्यवहार गर्न 'बढी गाह्रो' भएको बताएका छन्।

बीबीसीका अनुसार ट्रम्पले शुक्रबार रुसलाई नयाँ प्रतिबन्ध र कर लगाउनेबारे गम्भीरतापूर्वक विचार गरिरहेको बताएको केही बेरपछि युक्रेनप्रति असन्तुष्टि व्यक्त गरेका हुन्। 

‘रुसले युद्ध क्षेत्रमा युक्रेनलाई कडा प्रहार गरिरहेको छ’, ट्रम्पले ट्रुथ सोसलमा लेखेका छन्, ‘यस तथ्यका आधारमा, म युद्धविराम र अन्तिम शान्ति सम्झौता नभएसम्म रुसलाई ठूलो मात्रामा बैंकिङ प्रतिबन्ध, प्रतिबन्ध र शुल्क लगाउनेबारे गम्भीरतापूर्वक विचार गरिरहेको छु।’