कुलमान घिसिङको स्पष्टीकरण : आफूमाथि लागेको आरोप अस्वीकार्य, पदबाट हटाउन चुनौती

काठमाडौं। नेपाल विद्युत प्राधिकरणका कार्यकारी निर्देशक कुलमान घिसिङले आफूलाई पदबाट हटाउने सम्बन्धमा लगाएका आरोपलाई अस्वीकार गर्दै ऊर्जा मन्त्रालयमा स्पष्टीकरण पेश गरेका छन् ।

उनले ऊर्जा मन्त्रालयलाई पठाएको स्पष्टीकरणमा आफूमाथि लगाइएका आरोप अस्वीकार गर्दै उक्त मन्त्रालयको कदमलाई कानूनी र न्यायिक सिद्धान्तको विपरीत भनेका छन् ।उनले आफ्नो नियुक्ति मन्त्रिपरिषद्ले गरेको र मन्त्रालयसँग आफूलाई पदमुक्त गर्ने अधिकार नरहेको बताएका छन् ।

'म मन्त्रिपरिषद् बैठकबाट नेपाल विद्युत प्राधिकरण ऐन, २०४१ को दफा १७ (१) बमोजिम ४ वर्षको लागि नियुक्त भएको हुँ र मलाई सेवाबाट हटाउने अधिकार नेपाल सरकारको कार्य सञ्चालन नियमावली र सम्बन्धित विनियमावली अनुसार छैन ।

यसअघि आफूलाई सोधिएको स्पष्टीकरण वस्तुनिष्ठ र सन्तोषजनक नभएको भन्दै उनले आफूमाथि कारबाहीका लागि कुनै स्पष्ट आधार प्रस्तुत नगरिएको बताएका छन् । उनले उक्त स्पष्टीकरणलाई मनगढन्ते र आधारहीन भएको भन्दै कारवाहीको प्रक्रिया बन्द गर्न आग्रह गरेका छन् ।