प्रत्यक्ष निर्वाचित राष्ट्रपति प्रणालीमा देशलाई लैजान हुँदैन : माधव नेपाल

काठमाडौँ । नेकपा एकीकृत समाजवादीका अध्यक्ष माधव नेपालले प्रत्यक्ष निर्वाचित राष्ट्रपतिमा देशलाई लैजान नहुने बताएका छन् ।

समाजवादी मोर्चाले काठमाडौँमा आयोजना गरेको कार्यक्रमलाई सम्बोधन गर्दै उनले भने, ‘प्रत्यक्ष निर्वाचित राष्ट्रपति प्रणाली जस्तो घाँडो अरु के होला देशको हालत ? अहिले नेपालीहरू अमेरिकाबाट भागाभाग भइरहेको छ । केही चाहिँदैन, बोल्यो अनि पोल्यो !’

अध्यक्ष नेपालले विभिन्न देशमा राष्ट्रपतीय प्रणालीमा भएका समस्याहरू थाहा नपाएको भए एउटा गोष्ठी राखेर प्रस्ट पार्न सकिने बताए ।

उनले थपे, ‘म सबै विवरण नै दिन्छु । म आफैँ त्यहाँ गएको पनि छु, सुनेको पनि छु, बुझेको पनि छु । त्यसैले नेपाल जस्तो संवेदनशील देशमा प्रत्यक्ष निर्वाचित राष्ट्रपति प्रणालीको उपयुक्त कि अनुपयुक्त त्यो बहस गरौँला । अहिले त्यसमा प्रवेश नगरौँ ।’