नेता व्यवस्थापन गर्न प्रचण्डको निर्देशन

काठमाडौ । नेपाल कम्युनिस्ट पार्टी (माओवादी केन्द्र) निकट भ्रातृ सङ्गठन अखिल क्रान्तिकारीबाट ३२ बर्से उमेर हदका कारण बिदा भएका नेता व्यवस्थापन गर्न अध्यक्ष पुष्पकमल दाहाल ‘प्रचण्ड’ र महासचिव देवप्रसाद गुरुङले निर्देशन दिएका छन् ।

अखिल क्रान्तिकारीको २३ औँ राष्ट्रिय सम्मेलनका क्रममा गत पुस १३ गते ३२ बर्सो उमेर हद कायम भएपछि छ सयभन्दा बढी विद्यार्थी नेता बिदा भएका थिए ।

अध्यक्ष प्रचण्ड र महासचिव गुरुङले विद्यार्थी सङ्गठनबाट बिदा भएका नेताको क्षमता, रुचि र पार्टीको आवश्यकताका आधारमा हप्तादिनभित्र सुझाव दिन शुक्रबार पार्टी सर्कुलरमार्फत निर्देशन दिएको खबर गोरखापत्रमा छापिएको छ ।