राष्ट्रिय स्वतन्त्र पार्टीले पुथा उत्तरगङ्गा गाउँपालिकामा उम्मेदवारी नदिने

बुटवल । राष्ट्रिय स्वतन्त्र पार्टीले रुकुम पूर्वको पुथा उत्तरगङ्गा गाउँपालिकाको उपाध्यक्ष र सोही पालिकाको वडा नं २ मा उम्मेदवारी नदिने भएको छ । लुम्बिनी प्रदेशमा हुने  १ उपाध्यक्ष र  ५ वडाको उपनिर्वाचनमा  रुकुम पूर्व  गाउँपालिकामा उपाध्यक्ष र वडाध्यक्ष बाहेक अन्य ठाउँमा उम्मेदवारी  दिने तयारीमा सो पार्टी रहेको छ ।

रुकुममा तयारी नपुगेका कारण उम्मेदवारी नदिने रास्वपा लुम्बिनी प्रदेशका उपाध्यक्ष देवराज पाठकले  बताए। उनका अनुसार कपिलवस्तुको शुद्धोदन गाउँपालिका–१ मा  अवदेशकुमार चौधरी, बर्दियाको ठाकुरबाबा– ४ मा वासुदेव शर्मा, गुल्मीको मुसिकोट नगरपालिका–१ मा  विकास थापा, रोल्पाको रुन्द्रधण्टी गाउँपालिका– ४  हेम बहादुर पुनले उम्मेदवारी  दर्ता गरेका छन् ।