पाकिस्तानको दक्षिण-पश्चिम क्षेत्रमा बम बिष्फोट : १३ जनाको मृत्यु, २५ घाइते

काठमाडौं। पाकिस्तानको दक्षिणपश्चिमी क्षेत्र क्वेटामा शनिबार भएको बम विष्फोटमा कम्तीमा १३ जनाको मृत्यु भएको छ भने २५ जना घाइते भएका छन् । हालसम्म कुनै पनि उग्रवादी समूहले आक्रमणको जिम्मेवारी लिएको छैन ।

एक्सप्रेस रेल पेशावरका लागि प्रस्थान गर्न तयारी गर्दै गर्दा रेलवे स्टेशनभित्र बिष्फोट भएको वरिष्ठ प्रहरी अधिकृत मुहम्मद बलोचको भनाइ उदृत गर्दै पाकिस्तानी सञ्चारमाध्यमहरूले उल्लेख गरेका छन् ।

यो विष्फोट पाकिस्तानको उत्तरपश्चिम क्षेत्रमा बढ्दो उग्रवादी हिंसा र देशको दक्षिणी भागमा तीव्र हुँदै गएको पृथकतावादी विद्रोहको क्रममा भएको हो ।