माओवादी अध्यक्ष ‘प्रचण्ड’सँग भारतीय विदेश सचिव मिश्रीको भेट

काठमाडौँ । माओवादी अध्यक्ष पुष्पकमल दाहाल ‘प्रचण्ड’सँग भारतीय विदेशसचिव विक्रम मिश्रीले भेटवार्ता गरेका छन्।

अध्यक्ष ‘प्रचण्ड’ र भारतीय विदेशसचिव मिश्रीबीच ‘प्रचण्ड’निवास खुमलटारमा भेटवार्ता भएको हो।

भेटमा दुई देशबीचको आपसी हित एवं पारस्परिक सम्बन्ध अभिवृद्धि गर्ने विषयमा महत्त्वपूर्ण छलफल भएको ‘प्रचण्ड’को सचिवालयले जनाएको छ।

दुई दिने नेपाल भ्रमणका लागि आज बिहान काठमाडौँ उत्रिएका मिश्रीले आजै राष्ट्रपति रामचन्द्र पौडेल, प्रधानमन्त्री केपी ओलीसँग पनि भेटवार्ता गरिसकेका छन्।