अनैतिक गतिविधि गरेको आरोपमा कैलालीबाट चार जना पक्राउ

काठमाडौँ । अनैतिक गतिविधिमा संलग्न आरोपमा प्रहरीले कैलालीबाट ४ जनालाई पक्राउ गरेको छ । पक्राउ पर्नेमा ३ जना महिला र एक जना पुरुष छन् ।

धनगढी उपमहानगरपालिका–३ स्थित ट्राफिक चोकमा रहेको बुढीनन्द होटल र धनगढी गाउँमा रहेको सञ्जीव होटलमा चेकजाँच गरेर उनीहरूलाई पक्राउ गरिएको जिल्ला प्रहरी कार्यालय कैलालीका डीएसपी कबिन्द्रसिंह बोहराले जानकारी दिए ।

पक्राउ पर्नेमा ४५ वर्षीया, २२ वर्षीया, ३२ वर्षीया महिला तथा २३ वर्षीय पुरुष छन् । उनीहरुविरुद्ध प्रहरीले सार्वजनिक हित विरुद्धको कसुरमा अनुसन्धान गरिरहेको छ ।