काठमाडौँ । प्रहरीले काठमाडौँ, मोरङ, सुनसरी र कञ्चनपुरबाट लागु औषधसहित ६ जनालाई पक्राउ गरेको छ । चन्द्रागिरि नगरपालिका–२ नागढुङ्गाबाट खैरोसहित दुई जना पक्राउ परेका हुन् । पक्राउ पर्नेहरूमा बर्दिया गुलरिया नगरपालिका–९ बस्ने २४ वर्षीय युवराज थापा र २६ वर्षीय प्रकाश थापा छन् । उनीहरुको साथबाट २ ग्रामसहित खैरो हेरोइन बरामद गरिएको छ ।
मोरङको विराटनगर महानगरपालिका–१५ स्थित एक नम्बर ढाटबाट खैरो हेरोइनसहित एक जना पक्राउ परेका छन् । सो महानगरपालिका–३ बस्ने ३० वर्षीय सुनिल गडेरीको साथबाट प्रहरीले ३८ ग्राम ८० मिलिग्राम खैरो हेरोइन बरामद गरेको छ ।
सुनसरीको कोशी गाउँपालिका–१ लौकही बजारबाट प्रहरीले दुई जनालाई पक्राउ गरेको छ । पक्राउ पर्नेमा भारत बिहार घर भएका ४२ वर्षीय सन्तोष यादवसहित दुई जना छन् । उनीहरूको साथबाट ४५ ग्राम २ मिलिग्रामसहित खैरो हेरोइन बरामद गरिएको छ ।
कञ्चनपुरको भीमदत्त नगरपालिका–१८ सालघारीबाट प्रहरीले चरेशसहित एक जनालाई पक्राउ गरेको छ । ४१ वर्षीय गणेश पाण्डेलाई ११ ग्राम ८७ मिलिग्राम चरेश र डिजिटल तराजुसहित पक्राउ गरिएको केन्द्रीय प्रहरी समाचार कक्षले जनाएको छ ।
प्रतिक्रिया दिनुहोस
सफल खबर संवाददाता
बुधबार, ३० जेठ २०८१, १२ : २३
लेखकबाट थप
सम्बन्धित समाचारहरु
क्रिप्टो कारोबारमा संलग्न ५२ जना पक्राउ
कर्णाली विकास बैंक घोटाला प्रकरणमा थप एक जना पक्राउ
स्रोत नखुलेको रकमसहित तीनजना पक्राउ
प्रहरी हुँ भन्दै शरीर बन्धक बनाई लुटपाट गरेको अभियोगमा दुई जना पक्राउ
१०७४ किलो गाँजासहित चार जना पक्राउ
बैंकिङ कसुर मुद्दाका फरार प्रतिवादी पक्राउ