काँग्रेसद्वारा सिरोहिया पक्राउ र गृहमन्त्रीको अभिव्यक्तिबारे प्रधानमन्त्रीसँग जवाफ माग

काठमाडौँ । प्रमुख प्रतिपक्ष दल नेपाली काँग्रेसले कान्तिपुर मिडिया ग्रुपका अध्यक्ष कैलाश सिरोहिया पक्राउ र उपप्रधान तथा गृहमन्त्री रवि लामिछाने सदनमा दिएको अभिव्यक्तिको विषयमा प्रधानमन्त्रीको जवाफ मागेको छ ।

बालुवाटारमा बसेको सत्तापक्ष र काँग्रेसको शीर्ष नेताहरुबीचको छलफलमा दुवै विषयमा प्रधानमन्त्रीको ध्यानाकर्षण गराएको काँग्रेसका प्रमुख सचेतक रमेश लेखकले बताए ।

उनले भने, ‘आजको बैठकमा प्रधानमन्त्रीलाई कान्तिपुर मिडिया ग्रुपका अध्यक्ष कैलाश सिरोहियालाई जुन ढङ्गले पक्राउ गरियो त्यो विषयमा गम्भीर छौँ भनेर कुरा उठाएका छौँ । उपप्रधान तथा गृहमन्त्रीले प्रतिनिधि सभाको रोष्ट्रममा उभिएर जुन कुरा गर्नुभएको छ । काँग्रेसलाई लाञ्छना लगाउने काम गरेको विषयमा ध्यानाकर्षण गराएका छौँ। यसको जवाफ पनि चाहन्छौँ भनेर ध्यानाकर्षण गराएका छौँ। दुवै विषयमा प्रधानमन्त्रीले जवाफ दिनुहोला ।