बेइजिङ । करिब डेढ वर्षपछि चीनले भारतमा नयाँ राजदूत पठाउने तयारी गरेको छ । अङ्ग्रेजी पत्रिका टाइम्स अफ इन्डियाका अनुसार चिनियाँ राष्ट्रपति सी जिनपिङले १८ महिनाको असाधारण ढिलाइपछि शुई फेइहोङलाई भारतका लागि नयाँ राजदूत नियुक्त गरेका छन् ।
यसबारे औपचारिक घोषणा नभए पनि चीनको विदेश मन्त्रालयले अफगानिस्तान र रोमानियाका लागि राजदूत भइसकेका शुई अब भारतका लागि चीनको राजदूत हुने समाचार एजेन्सी पीटीआईलाई पुष्टि गरेको छ ।
अङ्ग्रेजी पत्रिका द हिन्दूले पनि ६० वर्षीय शुईले छिट्टै नयाँ दिल्लीमा आफ्नो पद सम्हाल्ने बताएको छ । उनले सन् २०२२ को अक्टोबरमा भारतमा आफ्नो कार्यकाल पूरा गरेका सन विडोङको स्थान लिनेछन्।
सुन वेइडोङ भारतमा आफ्नो कार्यकाल अघि पाकिस्तानका लागि चीनका राजदूत पनि थिए र हाल उप(विदेश मन्त्री छन् । उनी चीनको दक्षिण एसिया नीतिलाई सम्हाल्ने जिम्मेवारीमा छन्।
प्रतिक्रिया दिनुहोस
सफल खबर संवाददाता
बुधबार, २६ बैशाख २०८१, १२ : ४५
लेखकबाट थप
सम्बन्धित समाचारहरु
चीनको सपिङ सेन्टरमा आगलागी, कम्तीमा १६ जनाको मृत्यु
चन्द्रमा मिशनमा चीनलाई ठुलो सफलता, दुई किलो माटो पृथ्वीमा ल्याउन सफल
चीनसँग अमेरिकाको माग– अधिकारकर्मीहरूको तत्काल रिहाइ होस्
चीनमा तटरक्षा सम्बन्धी नयाँ नियम लागू
चीनको राजधानी बेइजिङमा पर्यटन प्रवर्द्धन कार्यक्रम
चन्द्रमाको दक्षिणी ध्रुवमा चिनियाँ मानवरहित यान अवतरण