काठमाडौँ । नेकपा एमालेको राष्ट्रिय महाधिवेशन प्रतिनिधि परिषद् बैठक गोदावरीको सनराईज हलमा जारी छ । उक्त बैठकमा देशभरका नेकपा एमालेका महाधिवेशन प्रतिनिधि परिषद् सदस्यहरू, केन्द्रीय कमिटी सदस्यहरू,केन्द्रीय निकायमा मनोनयन गरेका परिषद् सदस्य तथा केन्द्रीय पदाधिकारी गरी २ हजार ५४५ जना सहभागी छन् ।
परिषद् बैठकको पहिलो दिन अध्यक्ष केपी शर्मा ओली, महासचिव शंकर पोखरेल लगायतले राजनीतिक तथा सांगठानिक प्रतिवेदन पेश गरेर समूहगत छलफल जारी छ ।
राष्ट्रिय महाधिवेशन र विधान अधिवेशनपछिको शक्तिशाली कार्यक्रम मानिने परिषद् बैठकमा एमाले नेता भीम रावल भने सहभागी भएनन् । रावल सहभागी नहुनमा अनिच्छा भएर भने होइन । उनलाई कार्यक्रमबारे पार्टी कमिटीले कुनै औपचारिक जानकारी समेत गराएन ।
पार्टी कमिटीले औपचारिक जानकारी नगराएपनि रावल उक्त बैठकमा सहभागी हुन चाहन्थे । त्यसैले उनले गोदावरी बैठकमा सहभागीताका लागि व्यवस्था गरिएको परिचय पत्रबारे सोधखोज गरे । सोधखोजका क्रममा प्रवेशका लागि गरिएको परिचयपत्र नै नबनेको पाएपछि आफू नगएको रावलले बताए ।
‘प्रवेशका लागि मेरो परिचयपत्र नै बनाइएको रहेनछ । परिचयपत्र नै नबनाएपछि ढोकामा गएर प्रवेशका लागि अनुनय विनय गर्न मैले उचित ठानिनँ’, रावलको भनाइ छ ।
गत २०७८ मङ्सिरमा भएको दसौँ राष्ट्रिय महाधिवेशनमा अध्यक्ष पदमा ओलीको इच्छाविपरित रावलले अध्यक्षमा उम्मेदवारी दिएका थिए । त्यसयता अध्यक्ष ओली रावलप्रति सकारात्मक छैनन् । गएको निर्वाचनमा समेत रावललाई जिल्ला र प्रदेशबाट उम्मेदवार सिफारिस हुँदा ओलीली टिकट दिएका थिएनन् ।
प्रतिक्रिया दिनुहोस
सफल खबर संवाददाता
आइतबार, ०९ बैशाख २०८१, १० : २३
लेखकबाट थप
सम्बन्धित समाचारहरु
'चौबीसै घण्टा सत्ता स्वार्थमा लाग्दा देश तहसनहस हुदैछ : भीम रावल
नेकपा एमालेको चियापानमा भीम रावल उपस्थित
देश जोगाउन सङ्घीयता खारेज गर्नुपर्छ : भीम रावल
नेपाली भू–भागमा भारतीय प्रधानमन्त्रीको घुसपैठ आपत्तिजनक : भीम रावल
एमाले सुदूरपश्चिम प्रदेश अधिवेशनमा भीम रावललाई निषेध
सुनको भारी सुटुक्क नपसोस् : भीम रावल