सुन तस्करीसम्बन्धी छानबिन आयोगकाे सिफारिस : 'पौडेल र बुढालाई पुरस्कृत गर्न'

काठमाडौँ । सुन तस्करीसम्बन्धी छानबिन आयोगले कारबाहीको लागि मात्र नभएर केही कर्मचारीलाई पुरस्कृत गर्न समेत सरकारलाई सिफारिस गरेको छ ।

आयोगले उपनिर्देशक सन्तोष पौडेल र कम्प्युटर अपरेटर  धनराज बुढालाई पुरस्कृत गर्न सिफारिस गरेको हो । 

उपनिर्देशक पौडेलले १८ दिनको अनुसन्धानमा २१ जना पक्राउ, ११ ठाउँमा खानतलासी, ३१ जनाको डिएफएल, फरारहरूको लोकेसन ट्रयाकिँग आदि काममा उल्लेखनीय सफलता हात पारेको आयोगको निष्कर्ष छ । 

त्यसैगरी कम्प्युटर अपरेटर धनराज बुढा आयोगको काममा अहोरात्र खटिएर सबैभन्दा बढी सक्रिय भूमिका निर्बाह गरेकोमा गृह मन्त्रालयबाट पुरस्कृत गर्न आयोगले सिफारिस गरेको हो ।