काठमाडौँ । नेपाली काँग्रेसका नेता डा. शेखर कोइरालाले महासमितिको बैठकबाट १५ औँ महाधिवेशनको मिति तोकिनुपर्ने बताएका छन् । काँग्रेस यसरी अगाडि बढ्न नसक्ने बताउँदै कोइरालाले बलियो काँग्रेस बनाउन र पार्टीलाई पुरानै अवस्थामा पुर्याउन समयमै १५ औँ महाधिवेशन गरिनुपर्ने बताए ।
राष्ट्रिय मेलमिलाप दिवसको अवसरमा प्रजातन्त्र सेनानी संघले काठमाडौँमा आयोजना गरेको वाग्मती प्रदेश स्तरीय भेलालाई सम्बोधन गर्दै कोइरालाले प्रधानमन्त्रीको रिपोर्ट कार्ड जनताले हेर्न चाहेको बताएका छन् । ‘अहिले प्रधानमन्त्रीले मन्त्रीहरूको रिपोर्ट कार्ड मागिरहनुभएको छ । तर म प्रधानमन्त्रीकै रिपोर्ट कार्ड मागिरहेको छु’ कोइरालाले भने ।
ललिता निवास, भुटानी शरणार्थी सुन तस्करी काण्ड कहाँ पुगे भनेर नेता कोइरालाले प्रश्न गरे । ‘प्रधानमन्त्रीले यो कार्यकालमा के के गर्नुभयो ? भुटानी शरणार्थी काण्ड कहाँ पुग्यो ? ललिता निवासको मुद्दा कहाँ पुग्यो ? सुन काण्ड कहाँ पुग्यो ?,’ कोइरालाको प्रश्न छ ।
कोइरालाले सुशासन कायम गरेर समृद्धिको बाटोमा लैजान, भ्रष्टाचार निर्मूल गर्न, रोजगारीको अवसर सिर्जना गर्न र जनतामा आशा जगाउन काँग्रेसको नेतृत्वमा सरकार बन्नुपर्ने बताए ।
प्रतिक्रिया दिनुहोस
सफल खबर संवाददाता
सोमबार, १६ पुस २०८०, १९ : ३६
लेखकबाट थप
सम्बन्धित समाचारहरु
हामी सधैँ कम्युनिष्टको पछि लाग्ने हो ? भन्दै डा. शेखर कोइरालाले उठाए प्रश्न
लघुवित्तले विनाधितो प्रवाह गरिने ऋणलाई बढावा दिनुपर्छ : शेखर कोइराला
कम्युनिष्टसँग गठबन्धन गर्दै जाने हो भने कांग्रेसको अस्तित्व सकिन्छ : शेखर कोइराला
एउटै व्यक्तिले बैंक र उद्योगमा लगानी गर्दा अर्थतन्त्रमा समस्या आयो : डा. शेखर कोइराला
टिकटकमाथि प्रतिबन्ध लगाउनु ठूलो गल्ती हो : शेखर कोइराला
नेपाल गरिब देश हुनुमा राजनीतिक दल र नेता कारक : डा कोइराला