काठमाडौँ । प्रधानमन्त्री पुष्पकमल दाहाल ‘प्रचण्ड’ले संसदको हिउँदे अधिवेशन आह्वानका लागि संसदमा रहेका दलहरुसँग छलफल गर्ने भएका छन् ।
प्रधानमन्त्रीका प्रेस सल्लाहकार गोविन्द आचार्यले संसदको हिँउदे अधिवेशन आह्वानका लागि छिट्टै प्रधानमन्त्रीले प्रमुख प्रतिपक्षी दलसहित संसदका रहेका सबै दलसँग परामर्श गर्ने जानकारी दिए ।
‘संसदको अधिवेशन बोलाउनेबारे संसदमा भएका दलहरुसँग प्रधानमन्त्रीले छलफल गर्नुहुन्छ । प्रमुख प्रतिवक्षी दलको नेता अभियानमा हुनुहुन्थ्यो । अब अभियान सकिएकाले सबैसँग छलफल हुन्छ’, उनले भने, ‘दलहरुसँग छलफल गरेर अधिवेशन बोलाउनुहुन्छ ।’
संसद्को हिउँदे अधिवेशन जतिसक्दो चाँडो बोलाएर महत्त्वपूर्ण विधेयकहरु अघि बढाउनुपर्ने प्रधानमन्त्री प्रचण्डले धारणा राख्दै आएका छन् ।
यसबारे प्रधानमन्त्रीले सभामुखका साथै सत्तारुढ तीन दलका शीर्ष नेताहरुसँग पनि छलफल गरिसकेका छन् । दुवै छलफलमा प्रधानमन्त्री प्रचण्डले जतिसक्दो छिटो संसद्को हिउँदे अधिवेशन बोलाएर महत्त्वपूर्ण विधेयकहरु अघि बढाउनुपर्नेमा जोड दिएको बताइएको छ ।
बालुवाटार स्रोतका अनुसार प्रधानमन्त्री प्रचण्ड टीआरसी, संघीय निजामती सेवा ऐन, संघीय प्रहरी ऐन लगायतका विधेयक चाँडो संसदबाट अनुमोदन गराउन चाहन्छन् । संविधान अनुसार संघीयता कार्यान्वयनका लागि आवश्यक विधेयकहरु संघ सरकारले अघि नबढाएको भन्दै प्रदेश सरकारले समेत संघ सरकारमाथि लगातार दबाब दिइरहेका छन् ।
प्रतिक्रिया दिनुहोस
सफल खबर संवाददाता
मंगलबार, ०३ पुस २०८०, ११ : ३९
लेखकबाट थप
सम्बन्धित समाचारहरु
सरकार नागरिकको स्वास्थ्यप्रति संवेदनशील छ : प्रधानमन्त्री प्रचण्ड
प्रेस स्वतन्त्रतामाथि नियन्त्रण हुन दिइने छैन : प्रधानमन्त्री प्रचण्ड
ज्येष्ठ पत्रकारलाई जीवन निर्वाह भत्ताको व्यवस्था गरिनेछ : प्रधानमन्त्री प्रचण्ड
विदेशी मुद्रामा नाफा लैजाने सुनिश्चितताले लगानीको आकर्षण बढाएकोः प्रधानमन्त्री (पूर्णपाठ)
विस लिष्ट होइन, व्यवहारिक परियोजना प्रस्तुत गरौँ : प्रधानमन्त्री प्रचण्ड
संसद्को अवरोध अन्त्य गर्न राजनीतिक संवाद शुरू भएको छ, चाँडै समाधान हुन्छ : प्रधानमन्त्री प्रचण्ड