नेपालले अतिक्रमण गरेको भारतीय भूमि सम्बन्धी तथ्य सार्वजनिक गर्न रास्वपा सांसद तामाङको माग

काठमाडौँ । रास्वपा सांसद आशिका तामाङले नेपालले अतिक्रमण गरेको भारतको भूमि सार्वजनिक गर्न माग गरेकी छिन्।

आइतबार प्रतिनिधि सभाको बैठकमा बोल्दै प्रधानमन्त्री वालेन्द्र शाह (बालेन)ले ‘नेपालले पनि भारतको जग्गा धेरै ठाउँमा मिचेको’ भन्दै विवादित अभिव्यक्ति दिएका थिए। सोही बारे आज सांसद तामाङले सामाजिक सञ्जालमार्फत यसबारे स्पष्ट पारिदिन माग गरेकी हुन्।

उनले भनेकी छन्, ‘प्रधानमन्त्रीज्यूले नेपालले भारतको भूमि कहाँ कहाँ अतिक्रमण गरेको छ त्यसको तथ्य सार्वजनिक गरिदिनु हुन हार्दिक अपिल गर्दछु, किनकि सधैँभरि मलगायत हामी नेपालीहरूले भारतले मात्र अतिक्रमण गरेको हिजोसम्म तथ्य थाहा थियो तर आजबाट हामीले बुझ्नुपर्ने दिन आएको छ कि हामीले पनि छिमेकी देशमाथि अतिक्रमण गरेका रहेछौँ! जुन कुरा हजुरबाट पुष्टि हुनेछ भन्ने कुरामा हामी विश्वस्त छौँ ।’

उनले छिमेकी देशमाथि नेपालले अतिक्रमण गरेको तथ्य प्रधानमन्त्रीले पुष्टि गर्नुपर्ने उनको भनाइ छ ।