नेकपा एमालेको चियापानमा भीम रावल उपस्थित

काठमाडौं। नेकपा (एमाले)को चियापानमा पूर्वउपाध्यक्ष भीम रावल उपस्थित भएका छन् ।दुई वर्षअघि चितवनमा भएको १० औँ महाधिवेशनमा अध्यक्ष पदमा केपी शर्मा ओलीविरुद्ध उम्मेदवारी दिएयता रावल पार्टीका कार्यक्रममा कमै मात्र देखिने गरेका थिए ।

तर बुधवार भने पार्टीले चाडपर्वको अवसरमा शुभकामना आदानप्रदान तथा चियापान कार्यक्रममा रावल उपस्थित भएका हुन् ।महाधिवेशनमा पार्टीको संस्थापन पक्षको इच्छाविपरीत ओलीविरुद्ध उम्मेदवारी दिएका रावल भारी अन्तरले पराजित भएका थिए । त्यसयता ओली र उनको सम्बन्ध राम्रो छैन।

गत वर्षको चुनावमा पनि रावलले सांसदको टिकट पाएनन् ।चियापान कार्यक्रम पार्टी केन्द्रीय कार्यालय च्यासलमा जारी छ । यसअघि नेपाली कांग्रेसले चियापान कार्यक्रम सम्पन्न गरिसकेको छ ।