आन्ध्र प्रदेशका पूर्व मुख्यमन्त्री नायडू गिरफ्तार

एजेन्सी । भारतस्थित तेलुगु देशम पार्टीका प्रमुख तथा आन्ध्र प्रदेशका पूर्व मुख्यमन्त्री एन. चन्द्रबाबु नायडूलाई प्रहरीले शनिबार बिहान पक्राउ गरेको छ। 

बीबीसी हिन्दीका अनुसार नायडू सीप विकास मुद्दामा उनलाई नन्दयाल जिल्लाबाट पक्राउ गरिएको हो। 

उनलाई पक्राउ गर्न सुरक्षा बल पुग्दा नायडू आफ्ना समर्थकहरूसँग आराम गरिरहेका थिए। 

डीआईजीले उनलाई एपी स्किल डेभलपमेन्ट कर्पोरेसन घोटाला  काण्डमा पक्राउ गरिएको बताए। 

समाचार एजेन्सी एएनआईका अनुसार चन्द्रबाबु नायडूका वकिलका अनुसार  उनलाई उच्च रक्तचाप र मधुमेह भएको थाहा भएपछि सीआईडीले उनलाई पहिले मेडिकल चेकअपका लागि लगेको थियो।

ती वकिलले भने, ‘उहाँको जमानतका लागि हामी उच्च अदालत जाँदैछौं।’