कक्षा १२ को नतिजा सार्वजनिक, ५१ प्रतिशत उत्तीर्ण

काठमाडौं । कक्षा १२ को यस वर्षको नतिजा सार्वजनिक भएको छ ।  गएको वैशाख २६ गतेदेखि जेठ ५ गते सञ्चालित कक्षा १२ को परीक्षाको नतिजा मंगलबार सार्वजनिक गरिएको हो ।  

राष्ट्रिय परीक्षा बोर्डले यस वर्ष १२ मा ५१.९१ प्रतिशत मात्र ग्रेडेड (उतीर्ण) भएको जनाएको छ । ४९. ०९ प्रतिशत परीक्षार्थी नन ग्रेडेड भएको  बोर्डका अध्यक्ष महाश्रम शर्माले जानकारी दिनु भएको छ । 

परीक्षा बोर्डले ३५ प्रतिशत भन्दा कम अंक ल्याउनेलाई नन ग्रेडेडमा राख्दै आएको छ । नन ग्रेडेड भएकाहरुले माथिल्लो तह अध्ययन गर्न पाउने छैनन्  । उनीहरुले पुन ग्रेडवृद्धिको परीक्षा दिनुपर्नेछ ।

कक्षा १२ नियमित र ग्रेडवृद्धि गरी ४ लाख ४८ हजार विद्यार्थी सहभागी  भएका थिए  यस पटक नतिजा गत वर्षमा भन्दा ३ प्रतिशतले सुधार भएको बोर्डको दाबी छ ।