कालीकोट । जिल्लाको रास्कोट नगरपालिका–२ स्थित शेरा बजारमा बोलेरो जिप दुर्घटना भएको छ । दुर्घटनामा परी दुई जनाको घटनास्थलमै मृत्यु भएको छ भने एक जना गम्भीर घाइते भएका छन् ।
आज (बिहीबार) बिहान ग ३ ज ४६१० नम्बरका बोलेरो जिप करिब तीन सय मिटर तल खसेर क्षतिग्रस्त भएपछि गाडीमा सवार रास्कोट नगरपालिका–१ लहरेला निवासी ४३ वर्षीय मनबहादुर शाही र उनकी पत्नी ३६ वर्षीया मन कुमारीको घटनास्थलमै मृत्युु भएको जिल्ला प्रहरी कार्यालय कालीकोटका प्रहरी इन्सपेक्टर सुवराज बमले जानकारी दिए ।
दुर्घटनामा सोही ठाउँका ३० वर्षीया रिता शाही गम्भीर घाइते भएका छन । घाइतेको उपचार रास्कोट सामुदायिक अस्पतालमा भइरहेको छ । उनको अवस्था गम्भिर रहेकोले हेलिकोप्टरमार्फत उपचारका लागि सुर्खेत लिने पहल भइरहेको छ ।
चालकको लापरबाहीका कारण जिप दुर्घटना भएको स्थानीयको भनाइ छ ।
प्रतिक्रिया दिनुहोस
सफल खबर संवाददाता
विहीबार, २५ जेठ २०८०, ११ : ०८
लेखकबाट थप
सम्बन्धित समाचारहरु
कास्कीमा जिप दुर्घटना : दुई जनाको मृत्यु, १० घाइते
सिन्धुलीमा जिप दुर्घटना, १२ जना घाइते
बागलुङमा जिप दुर्घटना, दुई जनाको मृत्यु
रुकुम पश्चिममा जिप दुर्घटना हुँदा २२ जना घाइते
बैतडीमा जिप दुर्घटना, एकजनाको मृत्यु
नवलपरासीको देवचुलीमा जिप दुर्घटना, ६ जनाको मृत्यु