कोशी प्रदेशका दुई माओवादी मन्त्रीले दिए राजीनामा

काठमाडौं । कोशी प्रदेश सरकारमा नेकपा माओवादी केन्द्रबाट मन्त्री बनेका दुई जनाले पदबाट राजीनामा दिएका छन्।

मंगलबार सरकारबाट बाहिरिने निर्णय गरेसँगै माओवादीबाट मन्त्री बनेका भौतिक पूर्वाधार विकास मन्त्री दुर्गाप्रसाद चापागाईं र पर्यटन, वन तथा वातवरण मन्त्री जीवन आचार्यले मुख्यमन्त्री हिक्मतकुमार कार्कीलाई राजीनामा बुझाएका हुन्।

मंगलबार बसेको माओवादी बैठकले आफ्नै नेतृत्वमा सरकार गठन गर्ने निर्णय पनि गरेको थियो । यता, मङ्गलवारै बसेको नेपाली कांग्रेस कोशी प्रदेश संसदीय दलको बैठकले पनि गठबन्धनको ठुलो दलको हैसियतले सरकारको नेतृत्व दाबी गर्ने निर्णय गरेको छ ।

सत्ता साझेदा यी दुई दलले नै आफ्नै नेतृत्वमा सरकार गठन गर्ने प्रयासमा जुटेका छन् । तर, अन्तिम निर्णय कुन रुपमा अघि बढ्छ त्यो भने हेर्न बाँकी छ ।