काठमाडौँ । नेपाल राष्ट्र बैंकले आफ्नो उपदान तथा पेन्सन कोषमा रहेको १ अर्ब ४७ करोड रुपैयाँ निक्षेपको रूपमा बैंकमा राख्ने भएको छ । बैंकले एक वर्षका लागि उक्त रकम मुद्दती निक्षेपमा राख्ने भएको हो ।एक सूचना जारी गर्दै केन्द्रीय बैंकले इजाजतप्राप्त क, ख र ग वर्गको बैंकलाई आवेदन आह्वान गरेको छ ।
इच्छुक बैंकले जेठ २५ गते बेलुका ७ बजेसम्म आफूले चाहेको निक्षेप उचित ब्याजदर सहित प्रस्ताव पेस गर्न सक्नेछन् । बैंकका अनुसार कूल रकम मध्ये १ अर्ब १६ करोड ६० लाख रुपैयाँ क वर्गको वाणिज्य बैंकमा, २२ करोड ५ लाख रुपैयाँ ख वर्गको विकास बैंकमा र ७ करोड ३५ लाख रुपैयाँ ग वर्गको फाइनान्स कम्पनीहरूमा राखिनेछ । इच्छुक बैंक तथा वित्तीय संस्थाहरुले तोकिएको सर्त पुरा गरेर निक्षेपका लागि आवेदन दिन सक्नेछन् ।
यस्तो निक्षेपका लागि बैंक तथा वित्तीय संस्था सञ्चालनमा आएको कम्तीमा २ वर्ष पुरा भएको हुनुपर्नेछ भने बैंकको निष्क्रिय कर्जा कूल कर्जा सापटीको ५ प्रतिशत भन्दा कम हुनुपर्ने बैंकले जनाएको छ । असार १, २०८० देखि जम्मा गरिने निक्षेप आगामी वर्ष २०८१ असार २ गते परिपक्व हुने राष्ट्र बैंकले जनाएको छ ।
प्रतिक्रिया दिनुहोस
सफल खबर संवाददाता
मंगलबार, २३ जेठ २०८०, ११ : ०८
लेखकबाट थप
सम्बन्धित समाचारहरु
बैंकिङ प्रणालीबाट आज राष्ट्र बैंकले ५० अर्ब तरलता तान्दै
राष्ट्र बैंकले १ अर्ब ९१ करोड ब्याजमा लगानी गर्ने
राष्ट्र बैंकका निर्देशक आचार्य बर्खास्त
राष्ट्र बैंकले आज १८ अर्ब ३० करोडको ट्रेजरी बोलकबोल गर्ने
२३ अर्बको टेलिकम्युनिकेसन उपकरण आयात
देशको वर्तमान आर्थिक स्थिति : मुद्रा स्फिति नियन्त्रणमा, रेमिट्यान्स बढ्यो