कोशी नाम पुनर्विचार गर्न कांग्रेसका १४ जिल्ला सभापतिको आग्रह

काठमाडौं।नेपाली कांग्रेसका १४ जिल्ला सभापतिहरू  ‘कोशी’ प्रदेशको नाम पुनर्विचार गर्नुपर्ने निष्कर्षमा पुगेका छन् । कोशी प्रदेशका १४ जिल्ला सभापतिहरूले बुधवार संयुक्त विज्ञप्ति जारी गर्दै नाम पुनर्विचार गर्न आग्रह गरेका हुन् । यसअघि गत फागुन १७ गते कांग्रेस समेतको समर्थनमा कोशी नामकरण गरिएको थियो ।

तर पहिचानवादीहरूले आन्दोलन चर्काउँदै लगेपछि‘द्वन्द्व पनि मेटिने पहिचान पनि भेटिने भन्दै पुनर्विचार गर्न उनीहरूले आग्रह गरेका छन् । ‘नेपाली कांग्रेस लोकतन्त्र, संघीयता, धर्मनिरपेक्षता, पहिचान र विविधता तथा बहुलताको रक्षक र अगुवा हो ।

कांग्रेसले मात्र संघीयताको मर्म र भावनालाई आत्मसात गर्दै गल्ती कमजोरीहरूलाई सच्याउने साहस गर्न सक्छ’ उनीहरूले जारी गरेको विज्ञप्तिमा भनिएको छ ।यसैगरी घाइते आन्दोलनकारीहरू तथा सुरक्षाकर्मीहरूको यथोचित उपचारमा ध्यान दिइन समेत उनीहरूले माग गरेका छन् ।