नेप्सेमा ८ अंकको वृद्धि, १ अर्ब २७ करोडको कारोबार

काठमाडौं । साताको दोस्रो कारोबार दिन आजपनि नेप्सेमा ८ अंकको वृद्धि भएको छ ।

पछिल्लो ५ दिनदेखि लगातार रुपमा बढिरहेको सेयर बजार परिसूचांक नेप्सेमा आज ८.१० अंकको वृद्धि भएको हो । ८.१० अंकले बढेर नेप्से आज १८९१.३१ बिन्दुमा पुगेको छ ।

नेप्सेमा वृद्धि भएको दिन आज कारोबारमा पनि उल्लेख्य मात्रामा वृद्धि भएको छ । आज ३४ लाख ९५ हजार कित्ता सेयर कूल १ अर्ब २७ करोड ८७ लाख बराबरमा कारोबार भएको छ ।

१३३ कम्पनीको मुल्य बढेको दिन आज ७८ कम्पनीको मूल्यमा भने गिरावट आएको छ । त्यस्तै १० कम्पनीको मूल्यमा कुनैपनि परिवर्तन नभएको नेपाल स्टक एक्सचेन्ज (नेप्से)ले जनाएको छ ।