मोरङबाट ३५ तोला सुन र ६ किलो चाँदीसहित ३ जना पक्राउ

विराटनगर । प्रहरीले आधा किलो भन्दा बढी सुन र ६ किलो चाँदीसहित तीन जनालाई पक्राउ गरेको छ । शुक्रबार विराटनगरबाट भारततर्फ जाँदै गरेको भ्यान जाँच गर्दा प्रहरीले ५३ तोला सुन र ६ किलो चाँदी बरामद गरेको हो ।

पक्राउ परेकाहरुको साथबाट सात लाख ९५ हजार २ सय रुपैयाँ भारतीय रुपैयाँ पनि बरामद भएको जिल्ला प्रहरी कार्यालय मोरङले जानकारी दिएको छ । कोशी प्रदेश प्रहरी प्रवक्ता प्रहरी उपरीक्षक ऋषिराम कँडेलका अनुसार विराटनगर महानगरपालिका– १५ बाट विराटनगर– २ का ५२ वर्षीय बिमल कामत, भारत बिहार कटीहारका ६१ बर्षीय विनोदकुमार मुरारका र ५६ वर्षीया पुष्पा मुरारका पक्राउ परेका हुन् ।

विराटनगर-२ का कामत भ्यान चालक हुन् । विनोद र पुष्पा श्रीमान श्रीमती हुन् ।