काठमाडाैं । देशका विभिन्न स्थानबाट लागुऔषधसहित १३ जना पक्राउ परेका छन् । ईलामकाे माई नगरपालिका-१ घुम्ती बस्ने ३४ वर्षीय तिर्थ गिरीलाई अवैध लागूऔषध ब्राउनसुगर जस्तो देखिने पदार्थ १ ग्राम २२ मिलिग्रामसहित प्रहरीले पक्राउ गरेको छ । प्रहरी चौकी महमाईबाट खटिएको प्रहरीले उनलाई उक्त पदार्थसहित फेला पारी पक्राउ गरेको हो ।
सिरहाकाे गोलबजार नगरपालिका-६ बाट अवैध लागुऔषध ब्राउनसुगर जस्तो देखिने पदार्थ करिब १ ग्रामसहित तीनजनालाई प्रहरीले पक्राउ गरेको छ । पक्राउ पर्नेहरूमा सोही ठाउँ बस्ने २० वर्षीय वीरेन्द्र चौधरी, सोही नगरपालिका-६ ग्रामिन बस्ने ३० वर्षीय राकेश नायक र सोही नगरपालिका-१० बस्ने १९ वर्षीय बालकृष्ण साह रहेका छन् । ईलाका प्रहरी कार्यालय गोलबजारबाट खटिएको प्रहरीले उनीहरूलाई उक्त पदार्थसहित फेला पारी पक्राउ गरेको हो ।
कैलालीकाे लम्कीचुहा नगरपालिका-३ बेवस्थितनगरबाट अवैध लागुऔषध खैरो हेरोईन जस्तो देखिने पदार्थ ३ ग्राम ३ सय ४० मिलिग्रामसहित जोशीपुर गाउँपालिका-७ बस्ने २३ वर्षीय अमृत चौधरीलाई प्रहरीले पक्राउ गरेको छ । विशेष सूचनाको आधारमा ईलाका प्रहरी कार्यालय लम्कीबाट खटिएको प्रहरीले उनलाई उक्त पदार्थसहित फेला पारी पक्राउ गरेको हो ।
यसैगरी कैलालीकै लम्कीचुहा नगरपालिका-१० पिपरौवाबाट अवैध लागुऔषध खैरो हेरोईन जस्तो देखिने पदार्थ करिब १ ग्रामसहित दुईजनालाई प्रहरीले पक्राउ गरेको छ । पक्राउ पर्नेहरूमा सोही ठाउँ बस्ने २४ वर्षीय सुवाश चौधरी र ३४ वर्षीय प्रकाश बडायक रहेका छन् । विशेष सूचनाको आधारमा ईलाका प्रहरी कार्यालय लम्कीबाट खटिएको प्रहरीले उनीहरूलाई उक्त पदार्थसहित फेला पारी पक्राउ गरेको हो ।
झापाकाे भद्रपुर नगरपालिका-८ बाट अवैध लागुऔषध ब्राउनसुगर जस्तो देखिने पदार्थ ७६ ग्राम ३ सय ४० मिलिग्रामसहित दुईजनालाई प्रहरीले पक्राउ गरको छ । पक्राउ पर्नेहरूमा मकवानपुर हेटौंडा उपमहानगरपालिका-१ घर भई झापा मेचीनगर नगरपालिका बस्ने २१ वर्षीया सोनी श्रेष्ठ राजवंशी र उनकै दिदी २३ वर्षीया संध्या श्रेष्ठ रहेका छन् । बुद्ध एयरको विमानद्वारा काठमाडौं जान लागेका उनीहरूलाई विमानस्थल सुरक्षा गार्ड चन्द्रगढीबाट खटिएको प्रहरीले जाँच गर्ने क्रममा उक्त पदार्थसहित फेला पारी पक्राउ गरेको हो ।
धनुषाकाे मिथिला नगरपालिका-१० लालगढबाट अवैध लागुऔषध गाँजा १० केजी ५ सय ग्रामसहित सर्लाही हरिवन नगरपालिका-३ बस्ने ३१ वर्षीय फेकन साहसमेत चारजनालाई शुक्रबार बिहान प्रहरीले पक्राउ गरेको छ । ईलाका प्रहरी कार्यालय ढल्केबर र लागूऔषध नियन्त्रण ब्यूरो जनकपुरबाट खटिएको संयुक्त टोलीले प्र.२-०३-००७ प ८५४१ नम्बर र ज.४ प ७७३३ नम्बरको मोटरसाइकललाई जाँच गर्ने क्रममा उक्त लागूऔषध फेला पारी साहसमेत दुवै मोटरसाइकलमा सवार ४ जनालाई पक्राउ गरेको हो ।
प्रतिक्रिया दिनुहोस
सफल खबर संवाददाता
शुक्रबार, २२ बैशाख २०८०, २० : ०४
लेखकबाट थप
सम्बन्धित समाचारहरु
लागुऔषधको ‘ट्रान्जिट प्वाइन्ट’ बन्दै चितवन, सातवटै पालिकामा नियन्त्रण महाअभियान सुरु
लागुऔषध नगद सहित काठमाडौँबाट दुई जना पक्राउ
ठुलो परिमाणमा लागुऔषध सहित तिनजना युवा प्रहरी नियन्त्रणमा
लागुऔषध कोकिन तस्करीमा संलग्न गिरोहका दुई जना पक्राउ
लागुऔषधको कुलतले निम्त्याउँदैछ अपराध
लागुऔषधसहित एक युवक पक्राउ