कांग्रेस संसदीय दलको बैठक आज पनि बस्दै

काठमाडौँ । नेपाली कांग्रेसको संसदीय दलको बैठक मंगलबार पनि बस्दैछ।

बैठक बानेश्वरस्थित संसद भवनमा आज बिहान १० बजे बस्न लागेको हो।

सोमबारको बैठकमा केही सांसदले आफ्नो धारणा राख्न बाँकी रहेकाले आजका लागि बैठक बाेलाइएकाे हाे।

आजको बैठकमा पनि आगामी वर्षको बजेट निर्माण प्रक्रियाबारे छलफल हुनेछ।

हिजोको बैठकमा पार्टी सभापति शेरबहादुर देउवाले आगामी वर्षको बजेट कसरी ल्याउने भन्नेबारेमा पनि सांसदहरूसँग चासो राखेका थिए। उनले अहिलेको देशको आर्थिक अवस्था राम्रो नभएको र बजेट ल्याउँदा जनतासँग जोडिने खालका कार्यक्रम राख्नुपर्ने बताएका थिए।

बैठकमा सांसदहरूले छोटो समय देशको नेतृत्व गरेका बिपीपछि कांग्रेसबाट धेरै नेतृत्व र अर्थमन्त्री बने पनि जनतासँग जोडिने कार्यक्रम ल्याउन नसकेको गुनासो गरेका थिए।

आर्थिक वर्ष २०८०/८१ को बजेट आगामी जेठ १५ गते घोषणा हँदैछ।