झापामा लागुऔषधसहित ३ जना पक्राउ

झापा । झापामा लागुऔषधसहित ३ जना पक्राउ परेका छन् । शनिबार साँझ अस्थयी प्रहरी पोष्ट नयाँ बसपार्कबाट खटिएको प्रहरी टोलीले जिल्लाकै अर्जुनधारा नगरपालिका– ११ नयाँ बसपार्कमा रहेको पशुपतिनगर होटल एण्ड लजबाट उनीहरुलाई पक्राउ गरिएको हो ।

सोही होटलमा डेरा गरी बस्ने झापाकै शिवसताक्षी नगरपालिका– ९ का २१ वर्षीय प्रेम सागर सावा, मेचिनगर नगरपालिका– १२ का २० वर्षीय मनिस बराल तथा मोरङको मिक्लाजुङ गाउँपालिका– ४ की १९ वर्षीय तिलु राईलाई पक्राउ गरिएको हो ।

शंकास्पद लागेर चेकजाँच गरी हेर्दा उनीहरुको साथबाट प्रतिबन्धित लागुऔषध ब्राउन सुगरजस्तो देखिने खैरो पदार्थ २ ग्राम ५०० मिलिग्राम फेला परेकोले प्रहरीले जनाएको छ ।