जसपाले आज चुनावी घोषणापत्र सार्वजनिक गर्दै

काठमाडौँ । जनता समाजवादी पार्टी (जसपा) ले मंसिर ४ गते हुने प्रतिनिधिसभा तथा प्रदेशसभा निर्वाचनका लागि शनिबार चुनावी घोषणापत्र सार्वजनिक गर्दैछ।

नयाँ बानेश्वरस्थित होटल एभरेस्टमा दिउँसो २ बजे एक कार्यक्रमको आयोजना गरी घोषणापत्र सार्वजनिक हुन लागेको हो।

सिट बाँडफाँटको विषयमा चित्त नबुझेपछि जसपा सत्ता गठबन्धनबाट बाहिरिएको थियो। गठबन्धनसँग बाहिरिएसँगै जसपाले नेकपा एमालेसँग गठबन्धन गरेको छ।

नेकपा एमाले, नेकपा माओवादी केन्द्र, नेकपा एकीकृत समाजवादी, नेपाली कांग्रेस, राप्रपालगायतका दलहरूले आफ्ना घोषणापत्र सार्वजनिक गरिसकेका छन्।