म सम्पर्कविहीन भएँ भन्नु हाँस्यास्पद : भीम रावल

काठमाडौं । नेकपा एमालेका नेता भीम रावलले आफू पार्टीको सम्पर्कमा नरहेको भन्नु हाँस्यास्पद भएको बताएका छन् ।

केही दिनअघि सुदूरपश्चिमका नेताहरू पार्टी अध्यक्ष केपी शर्मा ओलीलाई भेट्न बोलकोट पुगेका थिए ।  त्यो टोलीलाई ओलीले रावल पार्टीको सम्पर्कमा नरहेको बताएको खबर सार्वजनिक भएको थियो ।

रावलले सामाजिक सञ्जालमार्फत् त्यो कुराको खण्डन गरेका हुन् । ‘म पार्टीको सम्पर्कमा नरहेको भन्ने के हो भनी धेरै पत्रकारले प्रश्न गर्नुभयो । म अछाम प्रतिनिधिसभा क्षेत्र नं १ ले आयोजना गरेको कार्यकर्ता भेलामा प्रमुख वक्ताको रूपमा सहभागी भएँ । योबारे जिल्ला इञ्चार्ज र अध्यक्षलाई जानकारी गराएको थिएँ । म सम्पर्कविहीन भन्नु हास्यास्पद ।’ उनले लेखेका छन् ।