सुरज आर्केडमा पुग्याे काठमाडौं महानगरको टोली

काठमाडौँ । काठमाडौं महानगरपालिकाले न्युरोडस्थित सुरज अर्केडमा निर्माण गरिएका अनधीकृत संरचना हटाउन थालेको छ ।  

बेसमेन्टमा पार्किङ गराउनपर्ने भन्दै सुरज अर्केड अगाडिको पार्किङ हटाउन लागिएको महानगरपालिकाले जनाएको छ। त्यसका लागि नगर प्रहरी प्रमुख राजुनाथ पाण्डेसहितको टोली सुरज अर्केडमा पुगिसकेको छ । महानगरको टोली पुगेपछि सुरज आर्केडका पसल बन्द गरिएका थिए । तर, व्यवसायीले आफूहरुले सामान निकाल्ने बताएपछि महानगर टोलीले तत्कालै निकाल्न निर्देशन दिएको छ । अन्यथा आफूहरुले नै खाली गर्ने महानगर टोलीको भनाइ छ । 

अवैध संरचना भत्काउन डोजर पनि लैजाने तयारी भएको छ । मेयर बालेन साहको नेतृत्वमा महानगरले भदौ ६ गतेदेखि नक्सापासविपरीत निर्मित अवैध संरचना भत्काउने अभियान चलाउँदै आएको छ । यसअघि महानगरले नयाँ बानेश्वर, शंखमुल, सुन्धारा न्यूरोड लगायतका क्षेत्रका अवैधानिक संरचना भत्काइसकेको छ ।