चीनसँगको तनावका बीच भारतले अमेरिकी ड्रोन किन्दै

एजेन्सी । चीनसँग चलिरहेको विवादका बीच भारतले अमेरिकाबाट करिब तीन अर्ब डलरमा ३० एमक्यू–९बी प्रिडेटर सशस्त्र ड्रोन किन्न लागेको खबर आएको छ ।

यसै क्रममा भारतका विदेशमन्त्री एस जयशंकरले भारत–चीन सम्बन्ध निकै कठिन चरणबाट गुज्रिरहेको र यो सन् १९९० को दशकमा भएका सम्झौतालाई चीनले बेवास्ता गरेकोले सीमा क्षेत्रमा सेना जम्मा गरिरहेको बताएका छन् । 

अगस्टको शुरुमा भारत र अमेरिकाको विशेष बलले हिमाचल प्रदेशको बक्लोहमा ‘वज्र प्रहार’ नामक संयुक्त सैन्य अभ्यास सुरु गरेको थियो। यससँगै आगामी अक्टोबरमा भारत र अमेरिकाको सेनाले उत्तराखण्डको औलीमा १० हजार फिटको उचाइमा ‘युद्ध अभ्यास’ नामक सैन्य अभ्यास गर्ने र यो सैन्य अभ्यास करिब १०० किलोमिटर हुने बताइएको छ ।