चीनद्वारा ताइवान नजिक २ ब्यालिस्टिक मिसाइल प्रक्षेपण

एजेन्सी । चीनले ताइवान नजिक २ ब्यालिस्टिक मिसाइल प्रक्षेपण गरेको छ । समाचार एजेन्सी बीबीसीका अनुसार ताइवानको तटबाट धेरै नजिक ड्रिल जोनबाट चीनले ब्यालिस्टिक मिसाइल प्रक्षेपण गरेको हो । 

हालै अमेरिकी प्रतिनिधिसभाकी सभामुख न्यान्सी पेलोसीको ताइवान भ्रमण गरेपछि चीन र ताइवानबीच तनाव सिर्जना भएको छ । पेलोसीको भ्रमणपछि चीनले भयानक परिमाणको चेतावनी दिएको छ।

उसले ताइवान सीमा नजिकै सैन्य अभ्यास पनि सुरु गरेको छ। धेरै चिनियाँ जेट विमानहरू पनि लगातार ताइवानको आकाशमा प्रवेश गरिरहेका छन्।