पाकिस्तानमा बेपत्ता भएको सेनाको विमान दुर्घटनाग्रस्त, ६ जनाको मृत्यु

एजेन्सी । बेपत्ता भएको पाकिस्तानी सेनाको हेलिकोप्टर दुर्घटनाग्रस्त अवस्थामा भेटिएको छ । 

देशको बालुचिस्तान प्रान्तमा सोमबार रातिदेखि हराइरहेको हेलिकोप्टर भेटिएको सरकारी सैन्य अधिकारीहरूले मंगलबार जानकारी दिएका हुन्।हेलिकोप्टरमा रहेका ६ जनाको मृत्युको छ। तीमध्ये लेफ्टिनेन्ट जेनरल सर्फाज अलीको पनि मृत्यु भएको सेनाले पुष्टि गरेको छ।

मौसमको खराबीका कारण दुर्घटना भएको प्रारम्भिक अनुसन्धानले देखाएको छ। घटनाप्रति प्रधानमन्त्री शेहबाज शरिफले गहिरो दुःख व्यक्त गरेका छन्। उनले मृतकका आफन्तजनप्रति सहानुभूति पनि व्यक्त गर्नु गरेका छन्।