राजीनामाको माग चर्केपछि संसद र पार्टीमा एकसाथ जवाफ दिँदै अर्थमन्त्री शर्मा

काठमाडौं । चौतर्फी रूपमा राजीनामा मागिएपछि नैतिक संकटमा परेका अर्थमन्त्री जनार्दन शर्माले आजको संसद बैठकमा सम्बोधन गर्ने भएका छन् । 

मन्त्री शर्माले उत्पन्न पछिल्लो परिस्थिति र राजीनामाको मागबारे आफ्ना कुरा राख्ने उनका प्रेस संयोजक अजित अधिकारीले जानकारी दिए । संसद बैठक बिहान ११ बजे बस्दैछ । 

बजेट घोषणाअघि अर्थमन्त्री शर्माले अनाधिकृत व्यक्तिलाई मन्त्रालयमा छिराएर करका दर हेरफेर गरेको र उक्त दिनको सीसीटीभी फुटेज समेत मेटाइएको विषयपछि उनको राजीनामाको माग चर्को गरी उठेको छ । 

प्रेस संयोजक अधिकारीका अनुसार मन्त्री शर्माले प्रतिनिधसभाको बैठकका साथै पार्टीको केन्द्रीय समिति बैठकमा पनि यसबारे आफ्ना कुरा राख्नेछन् ।