मोरङमा पानी जमेको खाल्डो भित्र भेटियो युवतीको शव

काठमाडौं । मोरङको रतुवामाई–२ मा एक युवतीको शव भेटिएको छ । पानी जमेको खाल्डोभित्र सोमबार बिहान एक युवतीको शव भेटिएको मोरङ प्रहरी प्रवक्ता डीएसपी दीपक श्रेष्ठले जानकारी दिए ।

अन्दाजी २५ वर्षको उमेर देखिने उक्त शवको पहिचान भने खुलेको छैन । प्रवक्ता श्रेष्ठका अनुसार शवलाई पोस्टमार्टमको लागि पठाएर अन्य अनुसन्धान प्रहरीले गरिरहेको छ ।