काठमाडौँमा माइक्रोबसको ठक्करबाट एक पैदलयात्रीको मृत्यु

काठमाडौँ । काठमाडौँको कोटेश्वरमा सोमबार साँझ माइक्रोबसले ठक्कर दिँदा एक जनाको मृत्यु भएको छ । मृत्यु हुनेमा स्याङ्जा थेङचुङगढी स्थायी घर भएका ५२ वर्षीय देउ कुमार शेन रहेका छन्।

बालकुमारी जाँदै गरेको बा २ ख १२३१ नम्बरको माइक्रोबसको ठक्करबाट गम्भीर घाइते भएका शेनको उपचारको क्रममा बिएन्डबी अस्पतालमा उपचारका क्रममा मृत्यु भएको हो।

शेनलाई ठक्कर दिएपछि माइक्रोबस प्रदेश २-००६ख ०२९५ नम्बरको ट्रकसँग ठोक्किन पुगेको थियो। ट्रकसँग ठोक्किएपछि माइक्रोबसका सहचालक विमल सुनार घाइते भएका छन् ।

घाइते सुनारको सिभिल हस्पिटल नयाँबानेश्‍वरमा उपचार भइरहेको प्रहरीले जनाएको छ। ट्रक चालकसहित ट्रक र माइक्रोबसलाई प्रहरीले नियन्त्रणमा लिएको छ।